VASILI - SHQIPERIA NE DEGE TE FIKUT, RAMA BENE LLOGJE

Kryeministri ka folur këtë të dielë pasdite për një “vjeshtë histerie” të “kazanit të politikës” duke lënë kështu mënjanë akuzat ndaj medias, por njëkohësisht duke bërë sikur dosja e Saimir Tahirit, të mos ekzistojë.

Në përgjigje të “komunikimit javor” të kryeministrit ka reaguar këtë mbrëmje në rrjetin social Petrit Vasili.
Kreu i grupit parlamentar të LSI-së shpotit Ramën kur thotë se Shqipëria është varur në degë të fikut, kurse ai vetë rri nën hijen e pemës. Sipas deputetit të LSI-së, kryeministri mund të flasë për vjeshta histerie e politikanë që nuk e lënë të bëjnë punën, por e vërteta është krejt ndryshe. Vasili shkruan se në fakt nuk ka kundërshtarë politikë që nuk po e lënë kryeministrin të punojë, për arsyen e thjeshtë se Edi Rama nuk bën asgjë.

Comments